news
Herbstmärt Wölflinswil
26.10.2024
Jahreskonzert 2024 "In 13 Stücken um die Welt"
19.10.2024
Keine Ferientage mehr übrig fürs 2024, aber Lust auf eine Weltreise? Mit uns ist das kein Problem!
Gerne lassen wir unsere Weltreise „In 13 Stücken um die Welt“ Revue passieren und schwelgen in Erinnerungen an diesen fantastischen Abend. Vielen Dank an alle, die uns auf unserer Reise von Schweden über Schottland bis hin zu Brasilien, Griechenland, USA undChina begleitet haben.
Musiktag Rohrdorf
09.06.2024
Impressionen von unserer Teilnahme am Musiktag in Rohrdorf.
Wir gratulieren herzlich unserem CISM-Veteran Ueli Schönauer für seine ausserordentliche Leistung. Wir freuen uns auf viele weitere schöne und unterhaltsame Momente mit dir. Bliib so wied besch Ueli!
Musik i de Studer Schüür
23.08 und 24.08.2024
Herzlichen dank an alle Besucher dieser beiden musikalischen Abende.
fasnacht 2024 "Legände ond Helde"
03.02.2024
Es isch legänder gsi! Danke viel mol, allne wo debii gsie sind!
Schnitzelbänk 2024
- Barocker , Räblüüs, Laubberggugger
- Seifesüüder Gugge Rugger
- au d`Steibruchschränzer , die wänd it
- und Prototype händ kei Zyt
- wenn am Maskeball wotsch e Gugge lose
- jä Häsi denn muesch ender i d`Hose
aber das macht eus grad gar nix,
denn Guggenix die hämmer fix
Nach em usserkantonale Musikfescht in Thayinge
Tuet eusi Musig de Marschmusigpokal hei bringe
Nach zwe Täg fäschte sind Musikante noni bsoffe
Und tüend uf es Firobebier dehei im Ochse hoffe
Doch de Ochse isch am Sunntigobe scho zue, oje!
Das tuet de bede Veterane im Härze weh
Doch de Jörg tuet no en Harass Bier i die leeri Gartewirtschaft usestelle
Dass d’Musikante jetz nüt schlimms über de Ochse müend verzelle
Synergie nutze, Abläuf vereinfache und defür gäbis Gäld
S Gmeindsfusionsprojekt bewegt en chlini Wält.
Bim neu Name und bim Wappe gsänd d Lüt de aber rot.
Eso vill heralgischi Geometrie, mir sind doch ned tot!
Ufem Wappe en Hof, en Wolf und Musignote
E gueti Lösig brucht ned allzu vill Exote.
Au für d Bezeichnig studiert euse Verein ned lang:
Wie wär’s mitem schöne Name Wolfhöflerklang?
Z Frick a de Bahnhofstross isch jetz au no 30.
Das isch beschisse für alli wos betrifft.
Und das isch doch jetzt de bwiis – oder it?,
dass es näb künschtlicher Inteligänz, no ächti Dummheit git
Euse VOLG isch renoviert worde, das sind mir froh
Jetzt fehlt eus aber eifach d Jeannette eso!
Und en Plauderkasse hets au nid geh
Wo sölle mir im Dorf eigentlich nochli schwätze? – ojee
- Jetzt weiss me au, das am 1. April
- s`Poschti nümme uf Wittnau will
- Dank de Haltsstell *Staumuur“ chasch Zyt iispahre
- denn de Bus muess nümm uf Wittnau fahre
- was chunnt als nächscht`s tue ich mi froge
- aber tüend doch z`Wittnau nur die Untere ploge
In Wölflinswil findet grad en Bauboom statt
D’Bagger und Krane stönd scho parat
Do het de Kanton die Boulüt brutal zruggbunde
Denn Sie händ Arsen im Dräck inne gfunde
Doch das ganze Puff chasch de grad vergässe
Wenn d’Lüt denn s’Arsen sowieso i de Erdbeeri vom Roger und Gaby ässe
Vor knapp 2 Johr zahlt d Gmeind de Bode und die Tor
Es chunnt de Nutzer *inne scho chli paradiesich vor.
Doch vor paar Mönet säge d Wiler zum Hallenumbou JO, husch husch
Mir hoffe fescht, es gäbi ned en Vor-Fusionepfusch.
En sanierti Badi gits, sich nid zum säge,
aber die Chöschte chönge mer schiins träge.
I ha jo vehement de gege interveniert,
Ich hät das Gäld lieber i Stausee Wittnau inveschtiert.
Ich muess ufs WC und sueche wie wild
De find ich eis und zwar mit eme komische Schild
Und bis ich weiss, öb ich do darf go
Han ichs scho müesse laufe lo
- De Horn-Ochs Beat het Eus Musig verloh
- er isch no jung, mir chönne da verstoh,
- mit em Stefan Krebs hei mir de Musigtag gunne
- d`Souveniers vo dört het me chönne gseh im Dorfbrunne,
- majestätisch wird jetzt d`MGWO dirigiert
- und wüsse , das sie au unterem König brilliert
Eusi Bundesröt chöne im Momänt nid nume flaniere
Sie müend jetz en Friedensgipfel organisiere
De Selenski und de Putin müend jetz a gliche Tisch sitze
Do chömed eusi Bundesröt sicher gli is schwitze
Eusi Viola Amherd muess jetz i de Wält ummejette
und Europa vor em nächschte Wältchrieg rette
Die leeri Pfarrschüür näb de Chille will me nütze
und so grad de ehrewärti Bou beschütze.
Miteme Saal, hät me villi Problem im Griff
Aber Unterschrifte für es Referändum gänd jetzt en Rückpfiff
Bruchts das würkli und händ mir s Gäld?
Wärs ächt nid besser inverstiert imene Härdöpfelfäld?
Em Sommer 2024 het Oberhof es Dorffescht welle mache,
öber das Vorhabe chamer höt nor no lache.
Dass mer Dorfstross-Sanierig glichzitig wie s’ Dorffescht duet plane,
dene sett mer grad um d’Ohre haue eusi Musigfahne.
Die hötig Chele het met velle Ustrett z’chämpfe,
das duet d’ Ihnahme ede Chelekasse dämpfe.
Ond die velle Missbruchsfäll vo eusne ach so heilige Pfärrer gebe z’dänke,
eb mer ehne nid en Guetschin för d’ Höll sett schänke?
- uff und zue und uff und zue
- jetz wieder uff, und hoffentli nie me zue
- de Adler macht entli wieder uff
- alli warte durschtig druff
- de Speisi isch e gschiide und au e Guete
- de chönnt er uf Oberhof zie wenn me Wittnau würd fluete
Jahreskonzert 2023 "Archivperlen"
21. Oktober 2023
Gerne blicken wir auf einen abwechslungsreichen und unterhaltsamen Abend mit den Archiv Perlen zurück. Damit diese nicht wieder in der Versenkung verschwinden einige Impressionen unseres Konzertes.
Svend König ist neuer Dirigent der MGWO
03.07.2023
Am 03. Juli konnten wir aus mehreren interessanten Bewerbern Svend König aus Erlinsbach (SO) als unseren neuen Dirigenten wählen. Wir freuen uns auf die Zusammenarbeit und viele schöne und spannende musikalische Momente.
Doppelsieg Am Musikfest Thayngen
10. / 11. Juni 2023
Am Wochenende vom 10. / 11. Juni nahm die MGWO erfolgreis am Musikfest Thayngen (SH) teil.
Nach der Anreise am Samstagmorgen mit dem Car fand am frühen Nachmittag der Konzervortrag mit dem Aufgabenstück "Équilibre" von Théo Schmitt und dem Selbstwahlstück "Argos" von Stephan Hodel unter der Leitung von unserem Projektdirigenten Stefan Krebs.
Am frühen Abend kam es mit der Marschmusikparade zum zweiten musikalischen Auftritt. Mit einer sehr guten Aufritt, sowohl musikalisch als auch beim marschieren, und 88.75 von 100 Punkten erspielte sich die MGWO den 1. Rang.
Am Sonntagnachmittag stand ein erstes Highlight auf dem Programm. Im Gesamtchor zusammen mit allen anderen teilnehmenden Musikvereinen wurden bei schönstem Sommerwetter die drei Stücke "Wir Musikanten", "Auf der Vogelwiese" und "Bhömischer Traum" zum Besten gegeben.
Als krönender Abschluss folgte der Festakt mit dem Rangverlesen. Mit insgesamt 174.75 Punkten aus Aufgaben- und Selbstwahlstück erspielte wir uns den 1. Rang in der 3. Klasse Brass Band.
Anschliessend an das Rangverlesen wurden unsere beiden Veteranen Rita Sauter (25 Jahre) und Franz Böller (50 Jahre) für ihr langjähriges, aktives Musizieren ausgezeichnet. Die MGWO gratuliert euch beiden ganz herzlich und freut sich auf viele weitere musikalische und gesellige Momente mit euch.
